文/沈錫倫

　　【新民晚報·推薦】語言是文化個載體之一，語言類個文化必須依仗語言形式才能夠傳承下去。同樣道理，上海閑話是上海地方文化個載體之一，假使講有一天滬語消亡了，葛末上海地方文化會的發(fā)生啥個變化呢？

　　首先，垃拉老上海人里廂有深厚群眾基礎(chǔ)個滬劇就嘸沒【沒有】了，因為滬劇是用上海本地閑話唱個。著名演員王盤聲、丁是娥、楊飛飛等幾代人辛勤培植起來個劇種就搿能介【這樣】嘸沒了，儂總勿見得【不見得】叫演員用普通話來唱滬劇吧。其次，上海說唱也嘸沒了。袁一靈唱個《金陵塔》垃拉上海灘浪【上】是家喻戶曉，膾炙人口，老上海儕會得唱幾句。后來個黃永生搭仔【以及】一幫青年演員也唱得邪氣贊【非常好】。不過，滬語消亡后，儂也聽勿著【聽不到】上海說唱了。第三，儂想看獨腳戲、滑稽戲，對勿起，嘸沒了。獨腳戲、滑稽戲垃拉上海深受群眾歡迎，滑稽戲大師楊華生主演個《七十二家房客》曾經(jīng)吸引了眾多個上海人，“雙”字輩滑稽演員表演個獨腳戲至今大家津津樂道。假使滬語嘸沒了，獨腳戲、滑稽戲也就嘸沒基礎(chǔ)了，上海個滑稽劇團只好改名喜劇團了。儂想想看，滑稽戲用普通話來演出，還有啥上海味道？還有周立波個滬語“海派清口”曾風(fēng)靡上海灘，雖然講周立波準(zhǔn)備了滬語搭仔普通話兩個版本，假使滬語嘸沒了，周立波就只好用普通話來講清口了，“海派清口”也好改名為“普通話清口”了。作為老上海，儂歡喜聽周立波用上海閑話來講“清口”呢？還是用普通話來講“清口”呢？

　　好了上頭講個儕是“假使講”，實際情況并勿是搿能，不過上海閑話垃拉青少年當(dāng)中個弱勢地位還是要引起所有關(guān)心上海閑話個人個重視。據(jù)上海社科院近日發(fā)布個一份報告，上海本地出生個中小學(xué)生只有60%基本浪會講上海閑話，垃拉屋里講上海閑話個只有一半，再過十幾年，等伊拉【他們】長大以后，會講上海閑話個人個比例還會得少下去。

　　普通話從滬語里吸收過老多個詞語，像“嗲”“作”“尷尬”“噱頭”“蹩腳”“齷齪”等詞儕是來自上海閑話。滬語里個交關(guān)【許多】俚語，像“額角頭碰著天花板”【運氣非常好】、“瘌痢頭兒子自家個好”【敝帚自珍】、“講得來花好稻好”“【吹得天花亂墜】”、碰著一個王伯伯“【王伯伯：答應(yīng)了別人拜托的事情而后忘得一干二凈的人】以及一些口語詞，像“搞七廿三”“神志烏志”“瞎七搭八”“嗚哩嗎哩”“空心湯團”“鮮格格”“戳壁腳”都極富有表現(xiàn)力，假使滬語消失了，搿種介地方民俗色彩濃郁個詞匯也就會失傳了。就垃拉我寫作迭篇文章個辰光，欣聞昔日同窗錢君編寫個上海閑話教材將于秋季新學(xué)期開學(xué)時進(jìn)入小學(xué)課堂，新民網(wǎng)“上海閑話”專頁上線，SMG電視新聞中心即將推出《新聞坊》周六滬語版，迭個儕是推廣、傳承上海閑話個大好消息，相信上海閑話一定會得體現(xiàn)出伊個【他的】歷史搭仔當(dāng)今文化價值來。