旅客一去不復(fù)返 此地空餘遊人處

嗱，「一簽多行」改為「一周一行」後，香港迎來首個(gè)慘淡嘅五一長假，往日熙熙攘攘嘅購物區(qū)人流大減，旅客寥寥無幾。銅鑼灣有商戶大吐苦水，指反水客示威連累生意額急跌七成，隨時(shí)要關(guān)門大吉。旺角亦唔好得去邊，有金舖負(fù)責(zé)人話，佔(zhàn)中後生意跌咗五成，依家要「蝕住做」，加上港幣升值，內(nèi)地客紛紛轉(zhuǎn)去外國購物，就算業(yè)界推出「開心著數(shù)大行動(dòng)」亦無濟(jì)於事；有藥房老闆同樣大呻生意難做，上月營業(yè)額跌至歷來最低，仲差過沙士，對五一長假完全無期望。

黃金周唔見黃金，其實(shí)一早預(yù)咗喇。旅遊業(yè)估計(jì)今年五一長假內(nèi)地訪港團(tuán)減少一成，可能仲係樂觀咗啲，實(shí)際情況可能更加慘淡。好簡單，往年五一口岸人流係「入多過出」，而今年就變成「出多過入」，即係話訪港旅客明顯比往年少咗，呢個(gè)趨勢睇怕短期內(nèi)都好難改變。難為當(dāng)局仲死撐，話五一長假首日內(nèi)地客增加兩成幾喎，弊在呢個(gè)數(shù)字有唔少水分，從過夜客減少逾一成就知道形勢不妙，業(yè)界指最壞情況仲未出現(xiàn)，絕對唔係靠嚇?。

正所謂，自作孽，不可活。香港不斷趕客，將內(nèi)地人視為「蝗蟲」，反觀外國就打開大門，將中國旅客視為財(cái)神，招待唯恐不周，內(nèi)地客點(diǎn)樣選擇，唔使講都知喇。淨(jìng)係日本及韓國咋，今年三月中國旅客分別升咗一點(diǎn)五倍及兩成二。更弊嘅係，除咗激進(jìn)組織趕客，香港時(shí)不時(shí)發(fā)生強(qiáng)迫購物醜聞，亦令旅客怕怕。呢，有位廣州旅客投訴，導(dǎo)遊威脅如果購物不足五、六千元，就唔準(zhǔn)遊迪士尼樂園，甚至冇房住喎，問你怕未。

最好笑嘅係，「一簽多行」改為「一周一行」，原本想打擊水貨活動(dòng)，吸引真正旅客，結(jié)果水貨活動(dòng)並冇減少，搞到當(dāng)局要繼續(xù)追殺水貨倉，而真正旅客又唔上門，簡直係兩頭唔到岸，弄巧反拙。不可不知，聲譽(yù)易毀難建，財(cái)神易送難請，香港個(gè)名已經(jīng)臭曬，想旅客返轉(zhuǎn)頭都幾難。