?男女對唱，

一想情妹知唔知，

情哥心中想念你，

一月想你三十日，

一日想你十二時。

女！

一日想涯十二時，

妹子同樣想念你，

茶也唔吃飯唔想，

夜夜睡目夢見你。

男！

二想情妹心里慌，

就怕情妹出外鄉(xiāng)，

怕你出去跟人走，

怕你出去變心腸。

女！

怕涯出去變心腸，

涯話阿哥莫多想，

愛你的心永不變，

時時把你掛心上。

男！

三想情妹苦抓抓，

三歺吃飯涯自家，

拿起碗筷來發(fā)呆，

目汁想到四流下。

女！

目汁想到四流下，

涯心實在放唔下，

同你分別涯心痛，

又怕你去找別撒。

男！

四想情妹在眠床，

心里想得好悲傷，

石灰上彭想唔化，

樣般丟下有情郎。

女！

樣般丟下有情郎，

妹子緊想緊痛腸，

坐在床頭來自嘆，

唔該當時離家鄉(xiāng)。

男！

五想情妹到三更，

靜靜聽到雞啼聲，

夜深三更人睡靜，

只有阿哥眼爭爭。

女！

只有阿哥眼爭爭，

涯想阿哥矛出聲，

唔田睡好一告目，

晚晚睡目心慌驚。

男！

六想情妹天快光，

抱著枕頭淚亡亡，

如果枕頭會講話，

枕頭也會來思量。

女！

枕頭也會來思量，

阿妹緊想緊痛腸，

睡到半夜夢驚醒，

醒來正知夢一場。

男！

七想情妹天大光，

哥想情妹苦難當，

哥想情妹回家轉，

想你回到涯身膀。

女！

想涯回到你身膀，

妹子心中也在想，

一想回去見哥面，

二想回去見爹娘。

男！

八想情妹日頭黃，

日頭照到情哥床，

蜜蜂都會去彩花，

樣般情妹唔尋郎。

女！

涯唔講來你唔知，

情妹也想早回去，

三十三只尿洞甲，

九十九屈在肚哩。

男！

九想情妹日正中，

情哥想妹心里兇，

一塊豬紅吃洛肚，

一團血塊塞心中。

女！

哥想妹來妹想你，

哥在東來妹在西，

只有心中來思念，

佗背上崗屈死哩。

男！

十想情妹心里等，

早日回到哥身邊，

總愛兩人心堅定，

麼蘭上甲會團圓。

女！

阿哥有心妹有情，

好比絲線對花針，

只要兩人有情義，

自有云開見月明。

男！

十想情妹十想郎，

阿哥阿妹情義長，

阿哥有情妹有義，

好比織女配牛郎。

女！

好比織女配牛郎，

歌哩唱到就岸長，

有情阿哥配情妹，

幸福日子永久長。