 來源：老周望野眼 作者：周力 滬語改寫：馮濟民 文字修正：丁迪蒙 今年2月26日，我勒公眾號里發(fā)了一篇《今夜，阿拉聽楊振雄》，文中插了一段楊振雄、楊驄父子八十年代個作品《海峽兩岸盼明月》，其中有句唱詞：“當初家住何方地，靠近城隍廟，街名叫棋盤”，引起我個注意。因為據(jù)我曉得，老上海個棋盤街是現(xiàn)在河南中路個南段，從南京東路到延安東路迭一段，哪能講儕是老城個外頭，搭城隍廟好像嘸沒啥關(guān)系。為此，我請教了勿少朋友，后來我想算了，一方面迭是彈詞開篇個唱詞，又勿是歷史地圖集，作者為了合轍押韻，寫啥個街又有啥關(guān)系？另一方面，海外歸來個游子離開家鄉(xiāng)幾十年，記憶或許有偏差，迭也是正常個。過了幾天我勒“魔都白領(lǐng)群”公眾號看到薛理勇老師發(fā)表個《上海個“棋盤街”勒啥地方？》，寫得邪氣詳盡，疑問基本解決。 晚清時代，“棋盤街”作為地域搭街道，是勿一樣個概念。讀者朋友到南市老城廂轉(zhuǎn)轉(zhuǎn)，難免撥伊搭七轉(zhuǎn)八繞個路所迷惑。因為上海是江南水鄉(xiāng)，老城個街道大多數(shù)是沿河而建個，參差勿齊，其中勿乏羊腸小道。1845年英租界（當時還嘸沒“公共租界”一說）成立“道路碼頭委員會”，先后以南京路搭界路（今河南中路）為縱橫軸心，橫向個有二馬路、三馬路、四馬路、五馬路……縱向個有四川、江西、河南路等等。假使講，上海傳統(tǒng)個中式馬路像蜘蛛網(wǎng)，葛末迭眼租界里個馬路橫平豎直，看上去更加像一張棋盤，所以老百姓就稱伊為“棋盤街”了。薛理勇老師文章里寫賽金花一到上海，出火車站馬上直奔棋盤街、采購綾羅綢緞，迭搭講個“棋盤街”應該就是“英租界”個代名詞。差勿多要到19世紀80年代，“棋盤街”特指當時個“界路”，即現(xiàn)在個河南中路。按照1989年版《黃浦區(qū)地名志》個講法，“棋盤街”個范圍大致勒現(xiàn)在個延安東路搭福州路之間個河南中路兩側(cè)。由于商業(yè)興衰等原因，區(qū)片范圍時大時小。 勿止上海有棋盤街，北京、武漢、濟南、南京……交關(guān)城市儕有“棋盤街”個。其中，北京棋盤街清朝辰光個位置，勒正陽門搭大清門之間，差勿多現(xiàn)在紀念堂前頭個一片區(qū)域，北京老地圖一看就曉得了。 早期個上海棋盤街是鴉片煙館、二等妓院搭旅館、茶館集中地區(qū)。上世紀初開始開設(shè)新舊書店、文具店搭教學儀器店，九江路到漢口路一帶有朵云軒、九華堂、戲鴻堂等箋扇裝裱店。中華書店勒迭搭開設(shè)發(fā)行所，陳獨秀擔任主編個《新青年》雜志，最初是由群益書社發(fā)行，地址印得清爽，就勒“上海棋盤街”。 上海個市面一向是由東向西逐漸延伸，到了30年代，“棋盤街”作為一個街區(qū)已經(jīng)蕭條?？谷諔?zhàn)爭之后連得路名也嘸沒了，只剩下來“東棋盤街”搭“西棋盤街”兩條東西向個小路。再后來，西棋盤街勒舊區(qū)改造當中率先消失，原址成為了一兆韋德城市會館個一部分。東棋盤街作為道路也消失了，但因緣巧合，還剩下來老小個一段，勒威斯汀酒店個南面，甚至還有得幾家住戶，掛勒?！皷|棋盤街”個門牌號。迭幾個殘存?zhèn)€門牌號，大概可以作為是晚清上海一段繁華最后個殘留，像盲腸一樣存在了伐。 朗讀者 往期回顧：  圖：網(wǎng)絡(luò) / 編輯：渺渺
|
|
|
來自： 渺渺m69vnzsah9 > 《待分類》
